Sindre sin blogg » rondane 2

EL-planen vår

Sindre — Mon, 03 Jan 2011 17:13:57 +0000

Elektrikarane skal snart byrje arbeidet sitt og me har laga oss ein liten plan for korleis me ynskjer å ha det.

Dei små gule rundingane er downlights, dei store er taklampar, gule firkantar er trappelys og dei raude er stikkontaktar. Vert spanande å høyre kva elektrikarane meinar om planen, trur kanskje me må ha meir lys nokre plassar, men håpar det er nok. For sparegrisen har allereie svelt i hel...

Tykkjer me har satt opp bra med stikkontaktar, men det er kanskje i minste laget?

* Teikningane har eg laga i Paint...

Endeleg planløysing

Sindre — Sun, 02 Jan 2011 18:35:00 +0000

I dag tok me ein gjønogang i huset i lag med snekkaren og bestemte koreleis ein del ting skulle vere. So no trur eg faktisk planen er klar.

Har no kome fram til korleis "walk-in-closet"-e vårt skal sjå ut. Det enda med at dei flyttar ventilasjonsanlegge. Me har plassert sentralstøvsugaren og uttaka til han. Ikkje minst er alle garderobane plassert. I 2. etg. får me jo garderrobe med skråtak, litt usikker på korleis ein får døra til å flytte seg, men har sett det skal gå.

Planen deira var å jobbe hjå oss onsdag, torsdag og fredag. Då skal det vere klart til elektrikar og røyrleggjar. Det betyr at det snart er klart for meg å endeleg gjere noko sjølv, men meir om det seinare...

Veggar og ventilasjon

Sindre — Mon, 20 Dec 2010 21:28:25 +0000

I dag har dei reist nokre innerveggar i 1 etg, og kome godt i gong med installasjonen av ventilasjon. Reknar med dei nesten vert ferdige med ventilasjonen i morgo. Hadde vertfall fått gjort mykje i dag. Alle veggane i 1 etg. utanom vaskeromme er no reist.

Isetting av vindauge

Sindre — Tue, 26 Oct 2010 15:22:39 +0000

Dei har no kome i gong med isettinga av vindauga, men huset er framleis ikkje tett. Har ikkje fått måla noko meir heller, men kanskje kjemt det litt finvér og varmegrade snart so me får målt ferdig.

Karnapp ferdig

Sindre — Mon, 18 Oct 2010 16:18:28 +0000

I helga fekk me på måling på alt av kledning, so no står det att ca. 1 etg. Håpar me får måling på dette og i løpe av året..

I dag har dei fått på plass karnappane i 2. etg, og i morgo byrjar dei på sutaket.

Klart for takstolar

Sindre — Tue, 12 Oct 2010 15:55:31 +0000

No er det kome opp kledning på 2 av veggane, golve er lagt i 2.etg., dei nødvendige veggane for takstolane er og på plass.

So i morgo skal dei fortsette med kledning, og ikkje minst skal dei løfte opp takstolane.

Bjelkelag og plating

Sindre — Fri, 08 Oct 2010 17:41:16 +0000

I dag gjorde dei ferdig bjelkelaget og nesten platinga. So då startar dei vell kanskje på 2. etg på måndag. Bereveggen i midten av huset er komen opp, so no ser me størrelsen på fleire av romma. Veldig kjekt!

Reisverk 1. etg.

Sindre — Thu, 07 Oct 2010 15:33:20 +0000

Då er dagen alle har venta på komen Dei vart faktisk ferdig med reisverket for 1. etg i dag, so no går det fort.

Er ikkje so mykje meir og skrive eigentleg. Berre nyt bileta..

Situasjonsplan

Sindre — Wed, 06 Oct 2010 17:52:20 +0000

I kveld har eg fått den nye situasjonsplanen, so no må me berre få levert han til kommunen sånn at me får bekfredta plassering av garasjen.

Og i morgo er det byggestart!!!

Revidert situasjonsplan – godkjend

Då er ramma på plass

Sindre — Mon, 04 Oct 2010 19:10:35 +0000

Endeleg kan me sei me er i gong med bygginga. I dag har dei nemleg lagt ned og festa ramma/botnsvill rundt heile ringmuren. Det betyr at det no er klart til å reise veggane. Det skal etter planen skje på onsdag, men pga. vèrmeldinga til høgre er det mogleg dei utsett det til torsdag. Takstolane vert levert fredag, og truleg montert på måndag eller tysdag.