Sindre sin blogg » hus

Plating av veggar

Sindre — Tue, 01 Feb 2011 19:28:00 +0000

Tok sjølvsagt turen rett bort i huset etter jobb, og nok ein gong var det utruleg kjekt å kome "heim". Snekkarane hadde byrja med å plate veggar, og dei var faktisk ferdige med boden og to av soveromma. Var godt i gong med soverommet vårt og, men ikkje heilt ferdig.

Elektrikaren har no montert alt av stikkontaktar etter kva eg kan sjå, so det kan ikkje vere mykje igjen for dei no...

Fekk ein dårleg nyheit frå L.E installasjon på førmiddagen i dag. Viste seg at det ikkje var so enkelt å flytte sikringskåpe til vaskerommet sånn som me hadde avtalt. Ser no ut til at det vert ståande i garderoben...

Forskaling og støyping av ringmur

Sindre — Fri, 06 Aug 2010 14:08:56 +0000

Då er ringmuren ferdig. I måro skal det fyllast på med sand inni, for so å legge på isopor.

Me reiser til Bergen for å ha teikne møte med Kvik. So får me håpa me er ferdige med kjøkkenet ein gong for alle

Klargjering til ringmur

Sindre — Wed, 04 Aug 2010 20:49:53 +0000

I dag vart det køyrt på endå meir stein først og fremst, men på ettermiddagen vart dei nødvendige røyra gravd ned og me laga til singelpute til å sette ringmuren på. So no er alt klart til å sette opp ringmur.

Har teke alt for lite bilete, og med alt for dåreg kamera (iPhone). Men i dag måtte eg hjelpe til med laser for å finne rett høgde, so det var ikkje tid til å ta bilete akkurat.

Første dag med graving

Sindre — Mon, 02 Aug 2010 19:25:18 +0000

Det byrja bra med at me slapp å skyte vekk noko fjell, men avslutta med nokre overaskningar. Men alt ordnar seg til slutt, og det er jammen godt å endele vere i gong!

Tilbod frå L.E Installasjon

Sindre — Fri, 11 Jun 2010 22:06:32 +0000

Tilbode på EL installasjonen kom som avtalt i dag, men var ikkje heilt som me hadde håpa...

Prisen var på heile 206 423,-

Dette høyres kanskje ikkje so mykje ut for eit heilt hus, men når prisen for heile huset me har fått kun innkluderar 100 000,- vert jo huset 100 000,- dyrare plutseleg.

So noko må gjerast.

Me har satt opp alle downlights til å vere LED. Endrar me dette til halogen sparar me nesten 30 000,-.

Ellers er det rekna med 173 punkt. Kvart punkt kostar 619,- so her må me fjerne ein del skal det gjere utslag.

So løysinga vert nok å gå over til halogen på alle downlights, og kutte ned antallet. Det er satt opp 55 stk, kan sikkert fjerne 10-20 av dei.

*Alle prisar er inkl. mva.

Me skal byggje Rondane 2 frå Idéhus

Sindre — Wed, 09 Jun 2010 17:55:00 +0000

Etter mykje planlegging og tenkjing har me no bestemt oss for å bygge huset Rondane 2. Det har vore snakk om andre hus óg, men me enda opp med dette sidan det gav oss mest hus for pengane.

Sjølv om me var voldsomt fornøgd me huset sånn som Idéhus hadde teikna det, har me forandra litt. Under ser de korleis fasaden ser ut originalt.

Me fekk eit utkast førre veke, men det viste seg at dei hadde gløymt nokre ting. I tillegg so valde me å legge til eit par ting til. Håpar at me får siste utkast denne veka, sånn at me kan byggemelde huset til kommunen. Skal legge ut teikningane når eg får dei.

Går óg å ventar på eit pristilbod frå L.E Installasjon som dei håpa å ha klart til fredag. Er voldsomt spent på kva dette kjem på sidan me satte opp utruleg mykje LED belysning.

Tomta er nr. 1 på dette bilete (760m²):

So snart kommunen har motteke byggjemeldinga vil FS Anlegg starte med opparbeiding av tomta, og huset skal etter planen vere ferdig utvendig før snøen kjem, og heilt ferdig rund mai 2011.

So då er det berre og førebu dykk på eit voldsomt husbygge fokus her framover