Sindre sin blogg » Teknologi

iPad 2

Sindre — Wed, 02 Mar 2011 20:11:05 +0000

Då var iPad 2 lansert, og eg har no endå meir lyst på ein iPad! Det var ikkje noko uventa nytt, men alt eg hadde håpa på er no på plass.

Ein utruleg fiffig funksjon er det nye beskyttelsen dei har kalla "Smart Cover" - GENIALT!

Om nokon har pengar til overs er det berre å bestille seg ein iPad 2. Det hadde vertfall eg gjort!

WikiLeaks

Sindre — Fri, 10 Dec 2010 05:33:57 +0000

Det er mange meiningar rundt det WikiLeaks har gjort, og korleis dei har gjort det. Men det som gjorde saken meir interesant for min eigen del var når hacktivist gruppa Anonymous vart involvert.

Dei kom på bana etter at Assange vart arrestert og det som følgde: PayPal valde å stenge kontoen til WikiLeaks, VISA og MasterCard stoppe alle transaksjonar til WikiLeaks og ikkje minst valde den Sveitsiske banken PostFinance og stenge kontoen deira. WikiLeaks hevdar sjølve at dei har tapt 100 000 euro (800 000 kr) i midlar dei siste dagane.

Anonymous som tidlegare har vist at dei har kontroll over store botnet starta no ein kampanje for å hevne seg på dei som gjorde livet vanskeleg for WikiLeaks.

Dei bestemte seg blant anna for å angripe PayPal sin betalingsserver og hovudside, som har vore nede i mange timar. Det utrulege er at PayPal har no bestemt seg for å opne kontoen igjen, sånn at WikiLeaks kan hente ut midlane sine. Dei gir med andre ord etter for trykket. Fantastisk.

Litt spesielt er det at dei og skriv av anngrepa har hatt liten innverknad på bloggen i eit innlegg etterpå. Vil tru dei har tapt nokre millionar, men det er kanskje lite for PayPal.. Anonymous nådde vertfall fram

Eg klarar å nå både VISA og MasterCard i dag, men i går kveld såg det ut som begge var nede. Det kan bety at dei har klart å løyse probleme eller at Anonymous er i ferd med å avslutte sin kampanje for denne gong. Ein 16-åring vart i går arrestert, dette kan jo ha ein dempande faktor.

Me har neppe sett det siste frå denne gruppa, og eg gledar meg til å sjå kva dei finn på i neste fase.

WikiLeaks dokumentar

Skimming

Sindre — Thu, 09 Dec 2010 20:30:56 +0000

Her er det installert skimmingsutstyr

Skimming har vore ein del i media for å prøve å vise kva me skal sjå etter for å ikkje bli lurt, men eg trur ikkje det er noko vanlege folk ser etter uansett. Sjølv er eg litt over normalt paranoid. So eg har ein tendens til å sjå litt ekstra etter, men eg har innsett at profft skimmingsutstyr er nesten umogleg å oppdage.

Kom i dag over ein sikkerheitsblogg som har skrive mykje om skimming. Det beste med denne serien innlegg, er at han har klart å skaffe bilete av masse utstyr.

Metodane har sjølvsagt utvikla seg sidan starten. Skimming har vell alltid vore ein risikosport sidan ein må ut å fysisk modifisere minibanken, men ikkje nok med det. Vanlegvis måtte ein hente inn igjen utstyret eit par dagar etterpå. For alle kortdata og PIN-kodar vart lagra i skimmingsutstyret.

I seinare tid har dei implementert GSM-modular. Dette gjer at dei ikkje treng å hente inn igjen utstyret. Etter at nokon har satt inn kortet og tasta koden vert all dataen sendt på SMS til eit valfritt nummer. Batteri er sjølvsagt framleis eit problem. So anten må ein la utstyret stå att utan batteri, ellers må ein ut å bytte batteri etter 2-3 dagar. (Kjem sjølvsagt an på aktivitet).

Om ein reknar 100-200 kort om dagen, og ein investering på 10-20 000,- kan ein fint la utstyret stå igjen.

Baksida av skimmingsutstyr. SIM-kortlesar til høgre.

Sjølv finn eg det heile utruleg interessant, og eg skjønner verkleg kvifor bankane ynskjer å auke sikkerheita ved å innføre chip på alle kort.

Bileta er henta frå: krebsonsecurity.com

Plating av veggar

iPhone bilholdar

Sindre — Sun, 03 Oct 2010 16:34:52 +0000

For nokre veker sidan vart eg kontakta av ei dame frå MyTrendyPhone. Ho lurte på om eg var interissert i å teste noko iPhone tilbehør frå dei. Eg fekk då velge mellom 4 forskjellige ting. Sidan eg akkurat hadde kjøpt meg NAVIGON GPS til iPhonen min valde eg ein bilholdar.

Og på laurdag kom det ein liten pakke til meg. Det viste seg at pakken hadde fått ein del juling, so eg var noko skeptisk når eg opna han. Heldigvis hadde han overlevd turen, og dette tyar vertfall på at bilholdaren tåler ein støyt.

Har brukt han litt i helga, og til ein so låg pris, 125 kr, er dette absolutt eit bra kjøp. Bilholdaren har veldig gode justeringsmoglegheiter, og sugekoppen heng godt fast i glase.

Einaste eg har og utsette på denne pakken er 12V kontakten på ladaren. Denne sitt noko laust i min bil, men dette har eg opplevd med mykje anna utstyr og, so det kan berre vere bilen min. Uansett so set han godt nok, og han har ein LED som indikerar om han har straum eller ikkje.

Alt i alt eit godt kjøp til dei som vil nytte sin iPhone som GPS.

Apple lansering skuffar

Sindre — Wed, 27 Jan 2010 20:15:24 +0000

I dag var kvelden Apple skulle lansere sine nyvinningar for året. Forventninga mine var store, dei vart ikkje innfridd.

Det store for min del var rykta om at iPhone OS 4.0 skulle lanserast. 4.0 skulle nemleg ha støtte for å køyre program i bakgrunnen, vertfall i følgje rykta. Til no har dette våre det som plagar meg, og mange andre mest med iPhone. Dette var utruleg trist, og det fører truleg til at eg kjem til å JailBreake min iPhone snart.

Men det er klart noko positivt var det. Ein ny duppeditt ved namnet iPad vart lansert. Dette kom ikkje so noko bombe for nokon trur eg. Men detaljane var det ikkje mange som var einige om.

Utifrå demoen under lanseringa kan ikkje denne "PC-en" køyre fleire applikasjonar samstundes heller. iPad ser utruleg bra ut, og eg trur det kjem til å bli eit svært bra produkt. Men for min eigen del er multitasking utrleg viktig. At han manglar dette kan bety at eg heller går for ein Windows 7 basert tablet i framtida....

Her kan du lese kva VG Nett skriv om lanseringa, og TV2.

Slå av data/EDGE/GPRS på iPhone

Sindre — Sun, 17 Jan 2010 11:22:56 +0000

Operatørane i Noreg tek framleis horible summar for datatrafikk i mobilnetta sine. Dersom ein har iPhone er sjansen stor for at ein nyttar ein heil del 3G/EDGE/GPRS utan at ein er klar over det. Dvs. ein merkar det når rekniga kjem.

For min eigen del vart det ikkje ei alvorleg stor rekning, men nokre hundrelappar vart det. Noko av trafikken var nok sjølvforskyldt, men mykje av det var eg ikkje klar over at eg hadde nytta.

På iPhone kan ein skru av 3G svært enkelt, men EDGE/GRPS er ikkje like intuitivt. For og skru av dette må ein bytte ut leverandør instillingane med sine eigne. Heldigvis har nokre smarte folk laga ei eige side for og gjere akkurat dette. So om du besøker www.unlockit.co.nz frå din iPhone skjer det heile meir eller mindre automatisk.

* Dette vil løyse problemet VG.no i dag skriv om.

Mobilspionasje: misvisande reportasje frå TV2 Hjelper deg

Sindre — Thu, 14 Jan 2010 20:37:37 +0000

Trykk på bilete under for å sjå innslaget...

Under innslaget nyttar TV2 ein iPhone sjølvsagt. Dei viser og kor enkelt det er og installere "spionprogram" på denne telefonen, noko som er utruleg misvisande.

På ein vanleg iPhone er det nemleg ikkje mogleg og installere applikasjonar som ikkje er godkjent frå Apple. Apple går faktisk gjøno kjeldekoden til alle applikasjonar som hamnar i App Store.

Telefonen TV2 nytta i innslaget sitt var nemleg modifisert, eller det ein kallar "Jailbreaka". Dette er ein voldsomt enkel prosses ein kan gjere på alle iPhone mobilar, men det er uansett noko ein må gjere for å køyre usignert/ikkje godkjent kode.

Jailbreaking krev at ein nyttar ein PC/Mac til å utføre modifiseringa, ein kan med andre ord ikkje berre springe rundt og avlytte alle med iPhone.

Kan jo legge til at eg vart ein smule skuffa over at det var denne type spionering dei valde å fokusere på. Det har nemleg skjed interesann og ikkje minst stor framgang i knekkinga av krypteringa som GSM nyttar (A5/1). Meir om dette prosjektet kan de lese her.

TV2 skal få litt skryt for at dei tek opp det utruleg viktige tema sikkerheit, men eg likte dårleg måten det vart gjort på.

Toshiba NB200

Sindre — Mon, 10 Aug 2009 20:00:57 +0000

Nei, eg har faktisk ikkje kjøpt meg endå ein liten PC. Denne gongen er det søstra mi, Ann Kristin som har handla. Men eg tenkte sjølvsagt og gje dykk mi meining om denne maskina og. So her kjem det kort oppsumert.

Design:
Toshiba har faktisk laga ei veldig fin maskin til forandring. Veldig slankt design, og maskina virkar solid i bruk.

Tastatur:
Fin størrelse og godt å skrive på, men plasseringa av tastane krev tilvenning.

Lyd:
Standard laptop lyd, men i lågaste laget.

Mus:
Stor og fin touchpad levert av Synaptic. God i bruk.

Støy:
Veldig lite støy, absolutt godkjent.

Skjerm:
Lyssterk og fin og sjå på. Oppløysinga er sjølvsagt låg, men det gjeld alle...

Alt i alt likar eg maskina godt, men anbefalar dei som kjøpar og sette i 2GB med minne, og XP installasjonen som føl med er det berre og kaste ut med ein gong. For og halde prisen nede føl det med mykje "crapware". Eg slengte inn Windows 7 RC1 noko som fungerte supert, styr vekk frå Vista på denne type maskine.

Veven, ein skummel plass..

Sindre — Wed, 27 May 2009 16:47:49 +0000

Tenkte eg skulle informere lesarane min litt om kva som kan skje berre ved å surfe rundt på internet, eg trur nemleg mange er litt naive når det kjem til sikkerheit på veven.

Når ein jobbar på ei IT-avdeling kjem ein over mykje rart, og ein av tinga er virus/malware.

27. august 2008 informerte eg to firma som driv med sal av bruktbilar om at vevsida deira innholdt skadlegkode. Dei som då hadde fått problem var Ovesbil.com & Bidnebil.no. Begge sidene var nede i over ei veke som følgje av informasjonen eg gav dei.

I dag kom me over ei ny infisert bil side, og denne gongen var det faktisk ei lokal, Leikangerauto.no. Denne sida er no faktisk reparert, men det er berre nokre timar sidan. Spørsmålet er om dei sjølve har tatt koden fekk, eller om angriparen gjorde det sjølv.

Det skumle med denne type åtak er at brukaren sjeldan har noko forsvar, og har inga aning om kva som faktisk skjer, for det heile vert gjort i bakgrunnnen.

No skal eg vise litt korleis dette vert gjort.
Det heile byrjar med at nokon klarar og endre på sida, dette kan skje på fleire måtar. Nokon vanlege metodar er at dei finn ut passordet til FTP-en, finn ut administrator kontoen (www.leikangerauto.no/administrator), SQL injection eller XSS. Kva som vart brukt i dette tilfellet veit eg ikkje.

Her ser de eit bilete av kjeldekoden til Leikangerauto.no før feilen vart retta:

kan brukast til og opne ei eksternside utan at brukaren merkar det. Sånn som i dette tilfellet kor bredden og høgden er satt til 0, og stilen til skjult.

Og det er sida som vert opna i som innheld den skadlege koden.

Det viser seg at ein ved kallenamnet "Aziza" har teke over denne sida:

...Og at han utnyttar ein feil i programmet Adobe Reader, muligens andre og.

Eg klarte ikkje og framprovosere same resultat her heime som det eg såg på jobb, men resultatet vart ikkje bra her heller. Hjå meg førte det til at Windows ikkje klarte og laste explorer.exe, som betyr at eg ikkje får opp noko anna enn eit blankt skrivebord. På jobb vart det installert eit eller anna program for å fjerne Spyware.

So kva kan ein gjere for å beskytte seg mot denne type angrep?
Det beste i mine auge er å bruke nettlesaren Firefox i lag med tillegget NoScript. Ein anna moglegheit er og bruke f.eks Chrome til nettlesar og FoxIt som PDF lesar. Dette er to program som er mindre utsatt for angrep, sidan dei har mindre brukargrupper. Adobe sine produkt har vore voldsomt utsatt i det siste. Dei fleste har og Adobe Flash på PC-en sin, hald det oppdatert, eller avinstaller det. Hold Anti-Virus programmet oppdatert, og ikkje minst køyr Windows update den andre onsdagen eller torsdagen i kvar månad.

Discovering Visual DataFlex

Sindre — Tue, 03 Feb 2009 19:10:36 +0000

Eg er då på eit 5 dagars kurs i Visual DataFlex 14.0. Truleg har ingen av dykk høyrt om Visual DataFlex, men det er faktisk eit programmeringsspråk på linje med C#, C++, VisualBasic, osv. Men VDF er spesialisert, og er laga for å kunne sette saman database applikasjonar raskt og effektivt. Skal du lage noko som ikkje jobbar mot ein database, kan du finne noko anna å bruke med ein gong. Dømer på applikasjonar VDF passar til er: ordresystem, timregistrering, inventar, osv.

Som nokon kanskje har forstått er det dette NTP sitt ordresystem er skrive i. VDF er eit svært gamalt språk, noko eg meinar ein tydleg kan sjå på syntaksen. Vis me samanliknar med C# f.eks som eg og leikar meg med, vil ein skrive dette:

int telephoneNumber = 99999999;

Skal ein gjere det same i VDF, vil det sjå sånn ut:

Integer iTelephoneNumber
Move "99999999" to iTelephoneNumber

Dette var eit enkelt døme for å vise litt av forskjellen.

Det har med andre ord vore nokre harde dagar. Me byrjar ca.09:00 og driv på til 17:00, då har me kun lunsj pause, ingen små pausar. Og eg for min del syns det er mykje teori, og litt for lite øvingar. Men dei øvinga me har er lagt opp på ein veldig god måte syns eg. Ofte på kurs vil ein berre følgje ein guide når ein skal gjere øvingar, men her får ein ei oppgåve, åso må ein finne løysinga sjølv. F.eks var eine oppvåva i går at me skulle lage ein funksjon som tok i mot eit "array" med namn, og reverserte det, utan å bruke den innebygde "Reverse_Array" funksjonen. Spennande og utfordrande.
I dag byrja me og jobbe med databasar, og då var eine oppgåva å skrive ein prosedyre som sletta alle "Avdelingar" som ikkje hadde noken "Ansatte".

Men sjølv om det heile er litt rart og uvant går det faktisk ikkje so verst. Av dei tre som er på kurs er det eg som har fått til flest av øvingane, og han eine studerar faktisk programmering på skulen. Det går vertfall i bra tempo. Boka vår er på 600 side, og me er no ferdige med 200. Men no må eg nesten lese litt på det me gjekk i gjøno i dag, for me får faktisk lekse og nesten. Noko som fører til at det ikkje vert mykje fritid på denne turen, noko som er synd for Hengelo er faktisk ein voldsomt koseleg liten plass.

Til slutt vil eg avslutte med ein liten kodesnutt som tek namnet mitt "Sindre Johannessen" og delar fornamnet og etternamnet inn i kvar sin streng.

String sName sFirstName sLastName
Integer iLength iPos

Move "Sindre Johannessen" to sName // Asigns the string to sName
Move (Length(sName)) to iLength // Finds the length of sName and assign it to iLength
Move (Pos(" ", sName)) to iPos // Finds the position of the space between the first and lastname
Move (Mid(sName, iPos, 1)) to sFirstName
Move (Mid(sName, (iLength-iPos), iPos+1)) to sLastName
Showln sFirstName // Prints sFirstName to debug window
Showln sLastName // Prints sLastName to debug window
Sleep 5 // Sleeps 5 seconds to view the debug window