Sindre sin blogg » Data

iPad 2

Sindre — Wed, 02 Mar 2011 20:11:05 +0000

Då var iPad 2 lansert, og eg har no endå meir lyst på ein iPad! Det var ikkje noko uventa nytt, men alt eg hadde håpa på er no på plass.

Ein utruleg fiffig funksjon er det nye beskyttelsen dei har kalla "Smart Cover" - GENIALT!

Om nokon har pengar til overs er det berre å bestille seg ein iPad 2. Det hadde vertfall eg gjort!

Apple lansering skuffar

Sindre — Wed, 27 Jan 2010 20:15:24 +0000

I dag var kvelden Apple skulle lansere sine nyvinningar for året. Forventninga mine var store, dei vart ikkje innfridd.

Det store for min del var rykta om at iPhone OS 4.0 skulle lanserast. 4.0 skulle nemleg ha støtte for å køyre program i bakgrunnen, vertfall i følgje rykta. Til no har dette våre det som plagar meg, og mange andre mest med iPhone. Dette var utruleg trist, og det fører truleg til at eg kjem til å JailBreake min iPhone snart.

Men det er klart noko positivt var det. Ein ny duppeditt ved namnet iPad vart lansert. Dette kom ikkje so noko bombe for nokon trur eg. Men detaljane var det ikkje mange som var einige om.

Utifrå demoen under lanseringa kan ikkje denne "PC-en" køyre fleire applikasjonar samstundes heller. iPad ser utruleg bra ut, og eg trur det kjem til å bli eit svært bra produkt. Men for min eigen del er multitasking utrleg viktig. At han manglar dette kan bety at eg heller går for ein Windows 7 basert tablet i framtida....

Her kan du lese kva VG Nett skriv om lanseringa, og TV2.

Mobilspionasje: misvisande reportasje frå TV2 Hjelper deg

Sindre — Thu, 14 Jan 2010 20:37:37 +0000

Trykk på bilete under for å sjå innslaget...

Under innslaget nyttar TV2 ein iPhone sjølvsagt. Dei viser og kor enkelt det er og installere "spionprogram" på denne telefonen, noko som er utruleg misvisande.

På ein vanleg iPhone er det nemleg ikkje mogleg og installere applikasjonar som ikkje er godkjent frå Apple. Apple går faktisk gjøno kjeldekoden til alle applikasjonar som hamnar i App Store.

Telefonen TV2 nytta i innslaget sitt var nemleg modifisert, eller det ein kallar "Jailbreaka". Dette er ein voldsomt enkel prosses ein kan gjere på alle iPhone mobilar, men det er uansett noko ein må gjere for å køyre usignert/ikkje godkjent kode.

Jailbreaking krev at ein nyttar ein PC/Mac til å utføre modifiseringa, ein kan med andre ord ikkje berre springe rundt og avlytte alle med iPhone.

Kan jo legge til at eg vart ein smule skuffa over at det var denne type spionering dei valde å fokusere på. Det har nemleg skjed interesann og ikkje minst stor framgang i knekkinga av krypteringa som GSM nyttar (A5/1). Meir om dette prosjektet kan de lese her.

TV2 skal få litt skryt for at dei tek opp det utruleg viktige tema sikkerheit, men eg likte dårleg måten det vart gjort på.

Toshiba NB200

Sindre — Mon, 10 Aug 2009 20:00:57 +0000

Nei, eg har faktisk ikkje kjøpt meg endå ein liten PC. Denne gongen er det søstra mi, Ann Kristin som har handla. Men eg tenkte sjølvsagt og gje dykk mi meining om denne maskina og. So her kjem det kort oppsumert.

Design:
Toshiba har faktisk laga ei veldig fin maskin til forandring. Veldig slankt design, og maskina virkar solid i bruk.

Tastatur:
Fin størrelse og godt å skrive på, men plasseringa av tastane krev tilvenning.

Lyd:
Standard laptop lyd, men i lågaste laget.

Mus:
Stor og fin touchpad levert av Synaptic. God i bruk.

Støy:
Veldig lite støy, absolutt godkjent.

Skjerm:
Lyssterk og fin og sjå på. Oppløysinga er sjølvsagt låg, men det gjeld alle...

Alt i alt likar eg maskina godt, men anbefalar dei som kjøpar og sette i 2GB med minne, og XP installasjonen som føl med er det berre og kaste ut med ein gong. For og halde prisen nede føl det med mykje "crapware". Eg slengte inn Windows 7 RC1 noko som fungerte supert, styr vekk frå Vista på denne type maskine.

Veven, ein skummel plass..

Sindre — Wed, 27 May 2009 16:47:49 +0000

Tenkte eg skulle informere lesarane min litt om kva som kan skje berre ved å surfe rundt på internet, eg trur nemleg mange er litt naive når det kjem til sikkerheit på veven.

Når ein jobbar på ei IT-avdeling kjem ein over mykje rart, og ein av tinga er virus/malware.

27. august 2008 informerte eg to firma som driv med sal av bruktbilar om at vevsida deira innholdt skadlegkode. Dei som då hadde fått problem var Ovesbil.com & Bidnebil.no. Begge sidene var nede i over ei veke som følgje av informasjonen eg gav dei.

I dag kom me over ei ny infisert bil side, og denne gongen var det faktisk ei lokal, Leikangerauto.no. Denne sida er no faktisk reparert, men det er berre nokre timar sidan. Spørsmålet er om dei sjølve har tatt koden fekk, eller om angriparen gjorde det sjølv.

Det skumle med denne type åtak er at brukaren sjeldan har noko forsvar, og har inga aning om kva som faktisk skjer, for det heile vert gjort i bakgrunnnen.

No skal eg vise litt korleis dette vert gjort.
Det heile byrjar med at nokon klarar og endre på sida, dette kan skje på fleire måtar. Nokon vanlege metodar er at dei finn ut passordet til FTP-en, finn ut administrator kontoen (www.leikangerauto.no/administrator), SQL injection eller XSS. Kva som vart brukt i dette tilfellet veit eg ikkje.

Her ser de eit bilete av kjeldekoden til Leikangerauto.no før feilen vart retta:

kan brukast til og opne ei eksternside utan at brukaren merkar det. Sånn som i dette tilfellet kor bredden og høgden er satt til 0, og stilen til skjult.

Og det er sida som vert opna i som innheld den skadlege koden.

Det viser seg at ein ved kallenamnet "Aziza" har teke over denne sida:

...Og at han utnyttar ein feil i programmet Adobe Reader, muligens andre og.

Eg klarte ikkje og framprovosere same resultat her heime som det eg såg på jobb, men resultatet vart ikkje bra her heller. Hjå meg førte det til at Windows ikkje klarte og laste explorer.exe, som betyr at eg ikkje får opp noko anna enn eit blankt skrivebord. På jobb vart det installert eit eller anna program for å fjerne Spyware.

So kva kan ein gjere for å beskytte seg mot denne type angrep?
Det beste i mine auge er å bruke nettlesaren Firefox i lag med tillegget NoScript. Ein anna moglegheit er og bruke f.eks Chrome til nettlesar og FoxIt som PDF lesar. Dette er to program som er mindre utsatt for angrep, sidan dei har mindre brukargrupper. Adobe sine produkt har vore voldsomt utsatt i det siste. Dei fleste har og Adobe Flash på PC-en sin, hald det oppdatert, eller avinstaller det. Hold Anti-Virus programmet oppdatert, og ikkje minst køyr Windows update den andre onsdagen eller torsdagen i kvar månad.

Discovering Visual DataFlex

Sindre — Tue, 03 Feb 2009 19:10:36 +0000

Eg er då på eit 5 dagars kurs i Visual DataFlex 14.0. Truleg har ingen av dykk høyrt om Visual DataFlex, men det er faktisk eit programmeringsspråk på linje med C#, C++, VisualBasic, osv. Men VDF er spesialisert, og er laga for å kunne sette saman database applikasjonar raskt og effektivt. Skal du lage noko som ikkje jobbar mot ein database, kan du finne noko anna å bruke med ein gong. Dømer på applikasjonar VDF passar til er: ordresystem, timregistrering, inventar, osv.

Som nokon kanskje har forstått er det dette NTP sitt ordresystem er skrive i. VDF er eit svært gamalt språk, noko eg meinar ein tydleg kan sjå på syntaksen. Vis me samanliknar med C# f.eks som eg og leikar meg med, vil ein skrive dette:

int telephoneNumber = 99999999;

Skal ein gjere det same i VDF, vil det sjå sånn ut:

Integer iTelephoneNumber
Move "99999999" to iTelephoneNumber

Dette var eit enkelt døme for å vise litt av forskjellen.

Det har med andre ord vore nokre harde dagar. Me byrjar ca.09:00 og driv på til 17:00, då har me kun lunsj pause, ingen små pausar. Og eg for min del syns det er mykje teori, og litt for lite øvingar. Men dei øvinga me har er lagt opp på ein veldig god måte syns eg. Ofte på kurs vil ein berre følgje ein guide når ein skal gjere øvingar, men her får ein ei oppgåve, åso må ein finne løysinga sjølv. F.eks var eine oppvåva i går at me skulle lage ein funksjon som tok i mot eit "array" med namn, og reverserte det, utan å bruke den innebygde "Reverse_Array" funksjonen. Spennande og utfordrande.
I dag byrja me og jobbe med databasar, og då var eine oppgåva å skrive ein prosedyre som sletta alle "Avdelingar" som ikkje hadde noken "Ansatte".

Men sjølv om det heile er litt rart og uvant går det faktisk ikkje so verst. Av dei tre som er på kurs er det eg som har fått til flest av øvingane, og han eine studerar faktisk programmering på skulen. Det går vertfall i bra tempo. Boka vår er på 600 side, og me er no ferdige med 200. Men no må eg nesten lese litt på det me gjekk i gjøno i dag, for me får faktisk lekse og nesten. Noko som fører til at det ikkje vert mykje fritid på denne turen, noko som er synd for Hengelo er faktisk ein voldsomt koseleg liten plass.

Til slutt vil eg avslutte med ein liten kodesnutt som tek namnet mitt "Sindre Johannessen" og delar fornamnet og etternamnet inn i kvar sin streng.

String sName sFirstName sLastName
Integer iLength iPos

Move "Sindre Johannessen" to sName // Asigns the string to sName
Move (Length(sName)) to iLength // Finds the length of sName and assign it to iLength
Move (Pos(" ", sName)) to iPos // Finds the position of the space between the first and lastname
Move (Mid(sName, iPos, 1)) to sFirstName
Move (Mid(sName, (iLength-iPos), iPos+1)) to sLastName
Showln sFirstName // Prints sFirstName to debug window
Showln sLastName // Prints sLastName to debug window
Sleep 5 // Sleeps 5 seconds to view the debug window

MacBook «unibody» førsteintrykk

Sindre — Tue, 27 Jan 2009 14:53:01 +0000

I går kom den nye maskina mi. Og det var kanskje ikkje nokon overrasking at det var ein ny Mac eg hadde bestilt. Og til alle som vurderar å kjøpe ein Mac, ikkje bestill han frå Apple.no. Maskina vert sendt frå utlandet, og leveringstida vert lengre..for lang!

Uansett, maskina kom fram til slutt. Og eg var sjølvsagt like beigeistra som eg er kvar gong noko nytt dukkar opp. Det er ikkje tvil om at å pakke opp Apple produkt er ei oppleving. Alt er minimalistisk og stilreint, sånn som eg likar det. Og første syn av maskina skuffa ikkje, det er ein nydeleg maskin!

Det er ein del nytt på denne modellen eg har kjøpt, som er den dyraste. Han har fått LED skjerm, det meste som var plast er no aluminium, touchpadden er av typen multitouch og har ingen knappar, det er lys i tastaturet, betre skjermkort, større harddisk, elles er det småting. Det er framleis ei ganske tung maskin, men ho har slanka seg litt i det minste, og ho ser no betre ut enn nokon gong.

So langt er det berre velstand med den nye maskina, og me får håpe at dette vert eit langvarig forhold.

HadEee

Sindre — Sat, 17 Jan 2009 14:48:21 +0000

Då har akkurat min Asus Eee 1000h forlete meg. Det var eit kort forhold me hadde, men det var nok til det beste for oss begge.

Kjem tilbake med meir om kvifor eg skiftar PC nok ein gong når den nye er på plass

Asus EEE 1000H i bruk

Sindre — Tue, 02 Dec 2008 15:43:20 +0000

Ja, Joar. I dag kjem det! =)

Først og fremst: Det går absolutt og nytte 1000H som sin einaste PC.

Skjerm:
Skjermen er fantastisk lyssterk, betre enn gamle MacBooken min. Denne har i tillegg matt skjerm, noko eg ser som ein fordel.
Oppløysinga er heilt klart i minste laget, men det meste av internett fungerar framleis veldig bra i 1024, og sjølv om det hadde vore fint med nokre fleire pikslar, er det ikkje noko eg irriterar meg over.
Størrelsen på skjermen vil eg sei er optimal.

Lyd:
Lyden er veldig høg og eg syns han er klar og fin. Det er sjølvsagt null bass, men det er stort sett norma for portable PC-ar. Har ikkje testa mikrofonane, men det er stereo, og er plassert fint under skjermen, noko som vil forhindre den verste feedbacken.

Tastatur:
Det kjem seg... Shift tasten til høgre plagar framleis livet av meg, men resten av tastaturet er eg no vand med. Føler ikkje at det er tastaturet som begresar farta eg no skriv i. Har heller ikkje merka at det vert ubehagleg og skrive i lengre periodar.

Mus:
Multitouch set eg framleis pris på, at eg kan bruke to fingrar til å høgreklikke som på Mac-en er fantastisk. Eg kan og nytte meg av tre fingrar til å gå fram og tilbake i Firefox f.eks.
Knappane på musa er forferdelege, men eg er vand med å trykka på touchpadden, og nyttar sjeldan knappane.

Batteri:
På første ladinga varde batteriet i 7 timar trur eg, men etter dette har det vore skralt syns eg. Har ikkje sett på klokka for å måle akkurat, men eg vil tru 3-4 timar. Vurderar og sende ein e-post å spørje etter nytt batteri, for dei fleste melder om betre enn det eg har. Elles går det forholdsvis fort og lade maskina, og batteritida vert ganske nøyaktig sendt til Windows.

Webkamera:
Har ikkje testa dette, men eg vil tru det fungerar meir enn godt nok.

Trådlaust:
Kan melde om gode signal, og rask overføring. Har ikkje opplevd noko problem med WLAN.

Vekt:
Maskina kunne med fordel vore nokre gram lettare, men ho er absolutt portabel. Dei har vald og bruke 2.5" HD f.eks, her kunne dei godt ha brukt 1.8".

Støy:
Vifta på mi maskin går stortsett konstant, men ein legg ikkje merke til ho. Mjuk og låg lyd.

LED:
ASUS har som vanleg plassert alle LED sånn at dei plagar meg. Eg syns dei lyser litt for sterkt, men dette kan eg fikse med tusj eller teip.

Ytelse:
Eg brukte maskina den første veka med 1GB RAM. Dette fungerte faktisk heilt fint, og eg merka eigentleg ikkje at det bremsa systemet. Køyrer no med 2GB RAM, og ytelsen er meir en god nok for meg.
Det eg køyrer samstundes kvar dag er: Firefox, Visual C# Express (2-3 prosjekt), Notepad++, mIRC, Digsby, NewsGator og AVG.

Sånn ser skjemen min ut no, og alt går knirkefritt. Merkar ikkje noko ytelseproblem når eg jobbar med dette. Kompilering av kode, går og kjapt og fint!

Konklusjon:
Alt i alt er eg svært nøgd med handelen, og kjem nok ikkje til å skaffe meg ein ekstra PC. Skjermen kan bli i miste laget til enkelte oppgåver, men ein får jo 22" LCD til under 2 000,- om dagen... Spring og kjøp folkens!

Ny PC: Asus EEE PC 1000H

Sindre — Fri, 21 Nov 2008 21:49:07 +0000

Etter å ha solgt begge mine berbare PC-ar (HP 2133 og MacBook), måtte eg skaffe meg ein ny. Eg brukte ein dag på å kikke rundt, og satt at med tre alternativ til slutt. Eg hadde veldig lyst på ein ny MacBook, for siste generasjon MacBook ser fantastisk ut, og er ikkje noko mindre enn eit stykke kunst. Eit anna alternativ eg kom fram til var Dell XPS 1330, dette er heilt klart ei god maskin som ser bra ut. Den siste maskina eg kunne tenkje meg var Asus EEE 1000H, som var det rimelege alternative.

Som eg allereie har avslørt i overskrifta valde eg det rimelege alternative. Eg har jo faktisk planar om å spare litt pengar i tida fram til eg skal studere, og eg tenkte det ville vere eit interessant eksperiment om ein "avansert" brukar kunne klare seg med ein so rimeleg PC.

For den viktigaste forskjellen på 1000H og dei andre alternativa er størrelsen på skjermen og tastatur. Det er ikkje tvil om at liten skjerm er praktisk, men det er og ei nedre grense for kva ein kan bruke. Eg har jo etterkvart våre innom det meste av skjermstørrelsar og håpar 10" kan vere midt i blinken. Men etter å ha brukt den nye maskina no i kveld merkar eg at det vert litt uvant. Eg er tross alt ganske vekkskjemd når det gjeld skjermar frå jobben. Har no tre skjermar på jobb, noko som gjer meg ei arbeidsflate på heile 4800x1200 i motsetnad til 1024x600 her heime. Det er inga tvil om at dette gjer meg mindre effektiv, men treng eg å vere so effektiv heime?

Det vert spanande og sjå i tida framover korleis dette vil fungere, men eg merkar allereie at eg byrjar å bli vande med tastaturet. Batteri tida på 5-7 timar er og noko eg lett kan bli glad i trur eg.

Denne maskina vart 9-10000kr billigare enn dei to andre, og eg har vanskeleg å sjå at dei skal vere verdt so mykje meir for meg. Men det vil tida heilt klart vise...

Asus EEE 1000H i bruk