Siste teikningar
Førre helg fekk me beskjed frå kommunen at huset sånn som me hadde tenkt det var for høgt. Dette kom litt som eit sjokk, og me vart voldsomt fortvila med det same. Heldigvis var det ikkje dei store forandringane som måtte til, og me er framleis nøgde med huset.
For i dag kom nemleg dei nye teikningane. Det betyr at me endeleg kan byggjemelde huset, og starte med gravinga. Håpar berre at det vert godkjent før alle tek ferie...
Tilbod frå L.E Installasjon
Tilbode på EL installasjonen kom som avtalt i dag, men var ikkje heilt som me hadde håpa...
Prisen var på heile 206 423,-
Dette høyres kanskje ikkje so mykje ut for eit heilt hus, men når prisen for heile huset me har fått kun innkluderar 100 000,- vert jo huset 100 000,- dyrare plutseleg.
So noko må gjerast.
Me har satt opp alle downlights til å vere LED. Endrar me dette til halogen sparar me nesten 30 000,-.
Ellers er det rekna med 173 punkt. Kvart punkt kostar 619,- so her må me fjerne ein del skal det gjere utslag.
So løysinga vert nok å gå over til halogen på alle downlights, og kutte ned antallet. Det er satt opp 55 stk, kan sikkert fjerne 10-20 av dei.
*Alle prisar er inkl. mva.
Me skal byggje Rondane 2 frå Idéhus
Etter mykje planlegging og tenkjing har me no bestemt oss for å bygge huset Rondane 2. Det har vore snakk om andre hus óg, men me enda opp med dette sidan det gav oss mest hus for pengane.
Sjølv om me var voldsomt fornøgd me huset sånn som Idéhus hadde teikna det, har me forandra litt. Under ser de korleis fasaden ser ut originalt.
Me fekk eit utkast førre veke, men det viste seg at dei hadde gløymt nokre ting. I tillegg so valde me å legge til eit par ting til. Håpar at me får siste utkast denne veka, sånn at me kan byggemelde huset til kommunen. Skal legge ut teikningane når eg får dei.
Går óg å ventar på eit pristilbod frå L.E Installasjon som dei håpa å ha klart til fredag. Er voldsomt spent på kva dette kjem på sidan me satte opp utruleg mykje LED belysning.
Tomta er nr. 1 på dette bilete (760m²):
So snart kommunen har motteke byggjemeldinga vil FS Anlegg starte med opparbeiding av tomta, og huset skal etter planen vere ferdig utvendig før snøen kjem, og heilt ferdig rund mai 2011.
So då er det berre og førebu dykk på eit voldsomt husbygge fokus her framover 
Leilegheit til sals..no solgt!
* OPPDATERING
Etter ein thriller av ein budrunde er no leilegheita solgt. Riktignok var det ikkje meir enn eitt bud, og det heile tok ikkje meir enn ein time, men spanande var det!
Me endte opp med å få 1 530 000,- for leilegheita, og 20 000,- for kvitevare og skåp.
Alt i alt er eg godt fornøgd, og ser fram til å få sving på husplanane!
Då er endeleg annonsa på plass folkens. La budrunden starte
Meklaren kunne melde om ei, som allereie før annonsa var komt ut hadde meldt sin interesse.